अकोला : सीएएच्या समर्थनार्थ आज (ता.29) अकोल्यात विशाल रॅली काढण्यात आली. या रॅलीला शहरातील मुंगीलाल बाजोरीया शाळेच्या मैदानापासून दुपारी 1 वाजता सुरुवात झाली. जिल्ह्याच्या विविध भागातून या रॅलीत 70 संघटनांसह नागरिक सहभागी झाले होते.
या रॅलीला मुंगीलाल बाजोरीया शाळेच्या मैदानावरून दुपारी एक वाजता रॅलीला प्रारंभ झाला. त्यानंतर अशोक वाटिका, मदनलाल धिंग्रा चौक, गांधी चौक, सिटी कोतवाली चौक, वसंत टॉकीज चौक या मार्गाने ही रॅली गेली. शेवटी जिल्हाधिकारी कार्यालय परिसरात या रॅलीचे सभेत रुपांतर झाले. त्यानंतर राष्ट्रीय सुरक्षा मंचच्या मंडळाने अप्पर जिल्हाधिकारी नरेंद्र लोणकर यांना निवेदन देऊन रॅलीचा समारोप केला. दरम्यान सीएएच्या जनजागृतीसंदर्भात फलक हातात नागरिकांनी जोरदार घोषणाबाजी केली.
हेही वाचा - ...अन् निष्ठावंतांची निष्ठा खुंटीला
500 फुटांचा तिरंगा लक्षवेधी
नागरिकत्व कायद्याच्या समर्थनार्थ अकोल्यात काढण्यात आलेल्या रॅलीत नागरिकांनी हातात 500 फुटांचा तिरंगा घेतलेला होता. हा तिरंगा सर्वाधिक लक्षवेधी ठरला. या रॅलीत मोठ्या संख्येने नागरिक सहभागी झाले होते.
या ठिकाणी पार्किंगची सुविधा
अकोला शहरातील नागरिकांसाठी वाहन पार्किंगची व्यवस्था बी. आर. हायस्कूल, पोस्ट ऑफिस मागील परिसर, स्वावलंबी विद्यालयाचे प्रांगण, मुंगीलाल बाजोरिया विद्यालयाचे प्रांगण, भाटे मैदान याठिकाणी करण्यात आली होती. तर बाळापूर, पातूर येथून येणाऱ्या वाहनांकरीता सरकारी बगीचा ते जिल्हाधिकारी कार्यालय परिसर करण्यात आली होती. अकोट व तेल्हारा येथून येणाऱ्या वाहनांकरिता अकोला भाटे क्लब मैदानात येथे पार्किंगची व्यवस्था करण्यात आली होती. मूर्तिजापूर, बोरगाव या परिसरातून येणाऱ्या वाहनांकरिता रादेगो महिला महाविद्यालय येथे पार्किंग व्यवस्था करण्यात आली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.